LoveDate - 與附近的人成人約會交友   IOS下載    Android下載

[HKchat香港匿名朋友圈]一齊講秘密! 交友約會! 完全免費! 完全匿名! 好玩不留痕! 想講咩就講咩!   IOS下載    Android下載

[TWchat - 台灣匿名朋友圈] 交友約會!完全免費! 完全匿名! 好玩不留痕!  Andorid 下載  IOS下載

[中国匿名朋友圈] 一起讲秘密,交友约会!   IOS下載    安卓APK下载   Android下載

吳綺莉女兒、19歲嘅吳卓林2018年11月同比佢大12歲嘅外籍女友Andi喺加國結婚,兩人一直表現恩愛,結婚半年,日前Andi在Instagram忽然撰英文長文,暗示有人不長進,更說:「請不要再打擾我,我想自己一個人,說再見吧,好嗎?」矛頭直指另一半卓林,惹來婚變疑雲,但二人可能只是耍花槍,事關當日有傳媒影到卓林陪Andi去醫院睇急症!

撰文 : 東方新地 |圖片:卓林IG、新傳媒圖片、香港開電視視頻截圖、Andi IG

卓林 Andi加國閃婚

吳卓林去年喺IG宣布已經同31歲的網紅Andi結婚!從相中的結婚證書可見,兩人已於去年11月8日在加拿大多倫多結婚,並留言:「Love can make change. Love wins! ♡」

卓林
卓林同Andi去年於加國結婚!
卓林
卓林同Andi一直表現恩愛。

卓林IG上載婚禮片段,卓林同Andi穿上白色衫,Andi戴上簡單款白色頭紗,聽取婚姻注冊官宣讀誓言﹕「你願意娶這個女人嗎?愛她、忠誠於…」見卓林望住Andi甜笑,二人交換婚戒後開心擁抱。

Andi在IG分享感受,表示結婚當天是她一生最快樂的日子!

自組多媒體公司

Andi去年突然update同卓林恩愛新相,還公布二人新公司的官方fb,「UCHU hause」資訊可見公司位於加拿大多倫多,而卓林與Andi都是公司老闆。

去年12月雙雙返Andi加拿大老家後,卓林一度山窮水盡求人收留,更被指要拾荒過活,二人亦兩度拍片上網,直播咀嘴之餘,又大呼:「我是成龍的女兒。」

卓林
新公司話以相片、短片方式邀請品牌宣傳合作,而負責攝影的卓林亦公開自拍近照,可見比起在媽媽身邊時瘦了不少!

吳卓林和女友Andi去年11月宣布在加拿大結婚,婚後兩人返港,曾因欠租驚動警方,最後要由吳綺莉代繳租金。雖然受經濟問題困擾,但兩人有情飲水飽,經常網上曬恩愛。

不過日前Andi突然喺社交網發長文話暗指有人長唔大、唔生性「我希望你好,但你甚至不試著做自己。你還有自己嗎?」、「討厭成日都要鼓勵你因為你仲係唔明白」又話對方一無所有「你有自己嗎?你仲淨低啲咩?當我無家可歸時,我拋開一切,我嘅心令我安定下來,所以我找到了自己嘅方向,搞清楚你係點嘅人。你稱你自己是豬,但你不想像我們一樣飛翔嗎?積極向上吧,不要老是跟在我屁股後面找答案。」而最後佢仲話:「Im sending love but leave me alone now. Say goodbye finally ok? You can do it!! (請不要再打擾我,我想自己一個人,說再見吧,好嗎?你做得到的!)」疑似嫌棄卓林想恨撇佢。

由於Andi內文表示「Stealing since we met and never changing all these years(由我們遇到之後就開始『偷嘢』,咁多年都冇改變過」,睇番卓林之前曾經承認攞過阿媽錢,有網民就覺得Andi嘅言論似講緊卓林,加上卓林冇Like到呢個Post,令人懷疑二人感情現危機!

卓林陪Andi睇急症

但根據香港開電視《娛樂頭條》報道,同日下午有人目睹卓林陪Andi到油麻地廣華醫院睇急症,後來二人在醫院門口耳語,期間卓林多次親吻Andi,二人發現傳媒後返回醫院,對提問未有回應。

圖片來源:香港開電視視頻截圖

卓林

卓林去咗門口自動售賣機買飲品,便返回醫院陪Andi睇病!(圖片來源:香港開電視視頻截圖)

卓林陪Andi睇病,力證二人情未變,有片睇:

卓林 靠吳綺莉接濟

自小與吳綺莉相依為命的19歲卓林,前年識咗現時的外籍老婆Andi後就搞作多多,離家出走加拿大接近一年,又在當地直播尋父,山窮水盡靠食 物銀行過活,最後在加國拖欠三個月租金未清,被迫執拾細軟返港。

卓林
上年11月同老 婆Andi返港,並宣布開多媒體公司,但現實只見到卓林同老婆生活無所事事,閒時拍拖遊街煲煙。
卓林
上年12月中卓林因拖欠賓館二千多元租金唔找,畀包租婆報警,最後卓林致電搵阿媽吳綺莉求助,更同老婆Andi坐的士返回阿媽大坑寓所暫住,身心俱疲的Elaine,更帶卓林去銀行攞錢。

開腔指控阿媽

驚人行為一次爆過一次,上年11月中宣布同外籍女友Andi結婚,卓林 更大搞多媒體公司,返港滿有大志受訪,開腔指控阿媽吳綺莉未能接受同 性太太,才令兩人關係愈嚟愈差,又指未見過生父成龍,表示冇諗過在對方身上得到任何嘢云云!講到正氣凜然!可惜搞大龍鳳唔夠一日,卓林就唔爭氣爆出欠租,被 賓館包租婆報警,要向阿媽吳綺莉求助,身上只剩二十元的她,同老婆 Andi坐的士返回吳綺莉大坑寓所,要阿媽落樓畀車錢再去銀行攞錢接濟。冇錢交租識得返屋企,收到錢卓林再次變回甩繩馬騮,日前吳綺莉出席活動,就指女兒卓林已經搬走:「每個人嘅觀點角度都唔同,唔能夠逼 人做唔鍾意嘅嘢,等佢出去經歷同感受,我只能夠從旁提點佢!」

卓林
幫女兒清付欠租後,吳綺莉翌日再一個人揸車去西環藥房,幫女兒同外籍新抱買日用品。
卓林
欠租被賓館包租婆報警趕走,走投無路的卓林帶埋老婆Andi返阿媽大 坑寓所避難,不過住咗兩日就搬走!

幫補生活費

同女兒卓林關係變僵,無助的吳綺莉一直靠工作和信仰支撐,據知情者透露:「卓林好似中咗降咁,阿媽講乜嘢都聽唔入耳, Elaine(吳綺莉) 依家只係希望卓林唔好再闖禍,佢同Andi一齊佢知自己已經管唔到,都開 始接受,只係想個女生性做人,有一日會明白阿媽嘅用心,依家卓林要Elaine幫補生活費,兩母女keep住有聯絡,起碼知卓林喺出邊情況,佢都冇咁擔心!」

卓林
自稱係模特兒的Andi ,個人社交網一直有大堆自拍照,現在連卓林都被她洗腦,遊街不停自拍自娛,無聊到極!

之前本刊就拍到卓林同外籍老婆銅鑼灣出巡,完全陶醉於自己 的愛情世界的卓林,孖住老婆Andi 有講有笑沿途行去利舞台期 間,就不停搵景自拍,自稱係Model出身的Andi似乎已經將卓林完全洗腦,兩人街拍忘晒形,期間又一齊去便利店買煙,兩 人更企街煲煙,影到攰,再企街煲煙,之後便一齊坐港鐵返 去旺角新填地街賓館,生活拮据,但選擇買煙,與其批判父母對與錯,卓林倒不如先好好反省自己,做個有用嘅人!

卓林
卓林同Andi 入了便利店買煙,只見卓林離開 時,手上攞住一疊錢有二十元有一百元,似乎生活有阿媽接濟,仲有錢消費!
卓林
卓林同老婆煙癮頗大,兩人買完 煙,繼續煙駁煙冇停過!
兩人途經一間麵包西餅店,買兩個麵包又當一 餐。
卓林
上年12月中先因欠租畀包租婆報 警,轉個頭得阿媽清晒租金,卓林同老婆Andi又搬返入同一間公寓,當日遊完街,兩人就一齊返賓館上樓。

LoveDate - 與附近的人成人約會交友   IOS下載    Android下載

[HKchat香港匿名朋友圈]一齊講秘密! 交友約會! 完全免費! 完全匿名! 好玩不留痕! 想講咩就講咩!   IOS下載    Android下載

[TWchat - 台灣匿名朋友圈] 交友約會!完全免費! 完全匿名! 好玩不留痕!  Andorid 下載  IOS下載

[中国匿名朋友圈] 一起讲秘密,交友约会!   IOS下載    安卓APK下载   Android下載


你所分享的,有可能是別人需要的,會幫助無數人...

請花幾秒按下[讚好]和[分享]吧!!, 讓更多人知道!!